Buhay ay Parang Hagdan

Ikaw? Nasubukan mo na bang umakyat ng hagdan, di ba nakakapagod? Akyat panaog ka para tunghayan ang buhay mo kung saan patutungo. Sa pag-akyat mo sa hagdan paitaas gaya ng buhay, sa itaas mo makikita mo ang liwanag ng kasiyahan at kaginhawaan. Samantalang kung baba ka naman naroon ang kadiliman na sigurado ako, na kahit ikaw mismo ay ayaw mong maranasan ang kalungkutan at kahirapan.

Dito sa mundong ibabaw hindi lahat ng bagay nakukuha mo nang mabilis o hindi mo pinaghihirapan. Kailangan mong mag-aral ng mabuti para makakuha ka ng mataas na marka o maipasa mo ang bawat asignatura. Kailangang magbanat ng buto, magtiis sa iyong boss lalo na sa mga katrabaho mong dinaig pa ang imbestigador sa pangingialam sa iyong buhay. Kung ikaw naman ay isang guro, kailangan mong magpuyat gabi-gabi para maghanda ng mga lektyur na tatalakayin sa klase. Hindi lang yan, kailangan mo ring pagtyagaan at habaan ang iyong pisi sa mga estudyante mong may tagalay na kakulitan at katamaran sa paggawa ng mga takdang-aralin,proyekto at portfolio. Ganyan ang buhay kailangan nang mahabang pasensya at pagtiyaga para isakutaparan ang iyong mga nais sa buhay. Mahirap man sa umpisa ngunit kalaunay masasanay ka rin at matutong makiayon sa saliw ng musika.

Kaya ikaw na habang estudyante ka pa eh tinatamad ka na, Aba! Mag-isip-isip ka na!!! Hindi sa lahat ng panahon kasama mo ang iyong mga magulang. Huwag kang masanay na laging nandiyan sila. Kasi dito sa mundo walang permanente lahat nagbabago at naglalaho. Kaya magsumikap para sa ikakabuti at ikakatupad ng mga minimithi mo sa buhay.

Huwag kang matakot na humakbang paitaas. Hindi mahirap ang humakbang paitaas bagamat nakakapagod kailangan mong paglabanan ang nakakapanghina ng loob sa iyong paghakbang. Isipin mo na lang sa pag-akyat mo sa hagdan paitaas naroon ang liwanag ng iyong pag-asa. Liwanag na siyang magiging ilaw mo sa madilim na kinasasadlakan ng kahapon. Kaya huwag kang titigil sap ag-akyat hanggang sa marating mo ang minimithi mo sa buhay. Tiyak ako na pagnaabot moa ng tugatog ng tagumpay walang hanggang pasasalamat ang iyong masasambit sa Poong Maykapal. Kaya kung ako sayo huwag mo nang hangarin pang pumaibaba. Naiisip mob a kung anong buhay ang naghihintay sayo sa ibaba? Naroon ang kalungkutan at pighati na ayaw mo nang balikan kaya humakbang ka paitaas at pagkatiwalaan ang Poong Maykapal.

Syempre kung ako ang iyong tatanungin, mas gugustuhin kong umakyat paitaas para isakatuparan ang aking pangarap at mga minimithi sa buhay lalo na sa aking pamilya. Nanaisin kong maghirap sa simula kung kapalit naman nito ay kaginhawaan ng buhay ng aking pamilya at ng aking sarili.

Ikaw? Saan ka patutungo?

14 Comments

  1. SnowHearT says:

    Opo!!!! Kaway-kaway nalang po. Ginoo este Uncle??? Coz I know here in Philippines 🇵🇭 it doesn’t matter if it is related or not we called uncle or aunt, kuya or ate, Nanay or Tatay and Lola or Lola.

    Liked by 2 people

  2. Salamat nang marami sa inyo at have a great day. Keep in touch po

    Liked by 2 people

  3. SnowHearT says:

    Wala pong anuman. Ako’y hanga lang po sa taglay niyong pagmamahal sa aming bansa. Maraming Salamat din po. At mapagpalang araw po sa inyo diyan.

    Liked by 2 people

  4. Anyway thanks for following my blog, I appreciate that. Keep in touch and keep up the good work with your blog!!!

    Liked by 2 people

  5. SnowHearT says:

    Kaya ayos lang po kahit masungit pasasaan po ba’t nagkakaigi rin, nagkakatawanan at minsa’y nakakabiruan na po.

    Liked by 2 people

  6. SnowHearT says:

    Ang ginintuang puso po mahirap masumpungan. Tiyak naman po pagnatagpuan kagalakan ay sisilay.

    Liked by 2 people

  7. Oo nga…. medyo nakatago sa punto na mahirap makita kung nasaan ang ginto….pero tiyak na mayroon

    Liked by 1 person

  8. SnowHearT says:

    masungit man po sa kaibuturan ng kanyang puso natatago ang ginintuang puso.

    Liked by 1 person

  9. At sa dulo ng hagdan ay may byenan na masungit….

    Liked by 1 person

  10. SnowHearT says:

    Opo,,,tama po

    Liked by 2 people

  11. Kung minsan ang buhay ay parang hagdan na ang dulo nito ay ibang hagdan… walang katapusan na hagdan

    Liked by 1 person

  12. SnowHearT says:

    Your right,,,Keep on striving for your success.

    Liked by 1 person

  13. QueridaJ says:

    Oh that whole part about teaching… Boy do I know it! And teaching online means you cannot help those who really need it or those who don’t have the maturity to realize they are wasting their potential. But I’m doing all I can and I will continue to do so.

    Liked by 2 people

Leave a Comment

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.