Mapalad

Gusto kong sisirin
ang kailaliman ng dagat
at panandaliang manatili roon,

Pigilin ang aking paghinga
kalimutan sandali
ang sigalot ng buhay.

Gusto kong maramdaman
ang panandaliang
kaginhawaan.

At sa ilalim ng karagatan
matatamasa ang
kaginhawaang nais.

Sa aking pananatili
napagtanto kong
ako’y higit na mapalad.

Mapalad ako dahil
nandiyan ang Panginoon
upang maging malakas.

Sa panahong di mo alam
ang kasagutan
sa iyong katanungan,
idulog mo yan sa Panginoon
sapagkat sa Kanya
masusumpungan mo
ang kasagutan.