Tutuyuin ko ang Iyong mga Luha

Tutuyuin ko ang iyong mga luha
na sanhi ng sakit na iyong nararamdaman
kahit na alam kong siya ang dahilan
ng iyong pagtangis
saksi ako kung paano mo siyang minahal
saksi ako sa mga ginagawa mo
para sa kanya
mapatunayan mo lang ang pagmamahal
mo sa kanya na iniaalay mo
Bulag ba siya at di ka niya makita

O di kaya marahil,
malayo ang kanyang tanaw
at di ka niya pansin sa kanyang balintataw

Gayunpaman,,,
Ikaw ay di sumusuko
kumakapit sa katiting na pag-asa
na ikaw ay mapapansin niya

Akong laging narito sayo
laging nasa tabi mo
Kailan mo kaya ako mapapansin
Kailan mo mapapansin ang aking pagtangis
na ikaw ang dahilan
dahil siya ang mahal mo
dahil mga mata mo ay sa kanya napako
dahil patuloy kang umaasa sa kanya

Kailan mo tutuyuin ang aking mga luha
kailan mo bibitawan ang katiting
na pag-asa para sa kanya
at lingunin nalang ako
hawakan ang aking mga kamay
magpatuloy sa ating mga buhay
na tayo ang magkasama

Umaasa akong makita mo
ang halaga ko sayo
Nang sa gayon ay mapakawalan mo
ang lahat ng sakit na dinaranas mo
matukoy mo ang kahulugan ko sayo
Huwag mo sanang hayaan na na mapagod ako
at kusang umalis sa mga tabi mo
upang iwan ka at hayaan ka nalang.

Kung nasasaktan ka higit akong nasasaktan.
Hiling kong makita mo iyon
at buksan ang pintuan sa’yong puso
Hayaan mo sanang pakinggan
aking mahinahon na katok
at ako’y iyong papasukin
Upang mga luha mo’y aking tutuyuin.

36 thoughts on “Tutuyuin ko ang Iyong mga Luha

  1. Napakahusay naman Ginoo.
    Hats off to you!!!

    Nabulid man kaming pareho
    sa sakit na dulot
    ng mapanlinlang na nararamdaman

    Umaasa ako sa kidlat ng liwanag
    na parehas kaming makakaahon
    sa kumunoy na dulot ng sakit

    Ito’y yugto ng buhay
    na dapat harapin at magpatianod
    sa adya ng kapalaran

    👍👍👍

    Like

  2. Duda ako sa iyong mga sinasabi
    Dahil kahit anong gawin mo ay hindi ka niya mapapansin.
    Sapagkat lubog din siya sa kabiguan.
    Nalulunod sa sariling niyang nakaraan.

    Ngunit sang-ayon naman ako kahit papano.
    Dahil kahit iba ang inyong puno’t dulo ay mayroon kayong pagkakapareho.
    Sabay kayong nalulunod habang hinihingi ang tulong ng isa’t isa.
    Parehas kayong nasa ilalim ng magkaibang lawa.
    Anyong tubig na na kayo mismo ang may gawa.

    Haha di nasend

    Liked by 2 people

  3. Nayswan naman 🤣🤣🤣

    Handa akong magpakalunod
    Mapatunayan lang pag-irog ko
    Baka sakaling pagnalunod ako
    Tulungan niya akong iahon

    🤣🤣🤣

    Liked by 1 person

  4. Yes it is dear SnowHeart. 🤗 I used Google Translate to read this one and really it is beautiful. By the way I am now seeing your posts (and those of two other bloggers that I follow which had the same problem) in my feed!! Happy that WP glitch seems to be fixed now, for some at least. :))) Hugs xoxoxo 💛🌻

    Liked by 2 people

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.