Balang Araw

Balang araw hindi na ako luluha habang pinagmamasdan ka
 Sa larawan ng puno ng ating alaala at pangarap
 Balang araw hindi na ako hihikbi habang pinakikinggan
 Ang ating musika na himig nating dalawa

 Balang araw hindi na ako matutulala sa kalumbayan
 Habang ako ay nasa ating paboritong lugar
 Balang araw masisilayan din ang aking mga ngiti 
 At sigurado ako na di na ikaw ang dahilan ng aking mga ngiti

 Ikaw man ang dahilan ng pagkaguho ng aking mga pangarap
 Huwag kang mag-alala babangon ako at mangangarap muli
 Sisiguraduhin ko na di na ikaw bahagi nito
 Balang araw mangangarap akong muli para sa sarili ko

 Hindi na hihinto ang mundo ko para hintayin ka pang bumalik
 Balang araw kusa nalang akong maglalakad
 Hindi dahil sa pagod na akong hintayin ka
 Kundi dahil ito ang nararapat, tunguhin ang aking landas
 Na wala ka upang paglalakbay ko’y matagumpay
 Gaya ng nais ko.
 Balang araw!

Sometimes

Sometimes,

 You left of people without even noticing.
 You stop thinking of them every day.
 You stop waiting for them to reply to you.
 You stop allowing them to take up
 so much space in your life.

You move on,
 You go about your day without worrying about them.
 You stop expecting them to come back with an apology.
 You accept that they are no longer a part of your life.
 You just let them go,

 Simple as that!

Himig ng Puso

Mahal na mahal kita mga litanyang tumutugtog sa aking puso.
Na para bang musikang
Nais na ihimig sayo.
Sana’y pakinggan mo at pakaingatan mo sinta.
Puso ko’y tanging ikaw lamang ang isinisigaw ay nakikita.
Pakaingatan mo sana at sayo ko lamang ito ipagkakatiwala.

Hindi ako mag-aaksaya ng oras
Alam kong ikaw ay mahalaga sa akin
Hindi ako naghahanap ng pansamantalang kaligayahan,
Nais ko ng isang bagay na makabuluhan, isang bagay na pangmatagalan.
Kung hahawakan ko ang iyong mga kamay
Hindi ko bibitawan.

Dapithapon

Sa aking pag-iisa 
Ikaw ang aking hanap 
Tinatanaw kita sa malayo 
Umaasa na masumpungan kita

Sa pagsapit ng dilim
Kasabay ng lungkot
Kusang umaagos mga luha
Pinapaalala bawat sandali 

Mga kahapong tayo ay maligaya
Kahapong puno ng pag-asa
At mga pangarap natin
Na sabay nating tinupad

Ngunit dumadating tayo
Kung saan ang tayo 
Ay mawala nalang 
At magiging ikaw at ako

Sa dapithapon ay ako nalang
Malungkot ngunit kailangan
Para ako’y maging matatag
Pagkat ako’y iniwan mo na.

Yumao ka na kapiling ng Maylikha
Sa iyong paglisan 
Sambit mo mga katagang 
Ikaw pa rin sa huli.

Ang dapithapon ay dumating na
Lagi kitang naaalala sa tuwina
Hinahanap ng aking mga mata
At maging ng aking puso.

Hanggang sa muli ng ating buhay
Tayo ay magkikitang muli
At muling magkakapiling
Hanggang sa dulo nang walang hanggan!

Nangungulila Sayo

Pagmulat ng aking mga mata,
Liwanag ay aking nakikita.
Ngunit puso ko ay nasasakdal,
Umiiyak at hanap ka.

Kailanma’y di ka nawaglit,
Sa tuwina’y lagi kitang iniisip.
Umaasang ako’y iyong babalikan,
Alaala mo’y aking inaalala.

Lumipas man ang panahon,
Pag-ibig mo’y di mawaglit.
Sa panahong ako’y nalulungkot,
Inaalala ko iyong pag-ibig.

Buhay mo’y magpapatuloy,
Pagkat ikaw ang aking buhay.
Pagdating ng bukang liwayway,
Ngiti mo ang nais kong masilayan.


©️SnowHeart