Patawad Kung Ako ay Bibitaw na!



Hindi ako bibitaw!
Mga linyang paulit-ulit kong tinuran sa’yo.
Hindi ako bibitaw sa TAYO na binubuo ng IKAW at AKO.
Hindi ako bibitaw!
Kahit pagod na pagod na ako.

Pagod na pagod na akong unawain ang bawat sandali na tayo ay magkapiling.
Di ko alam kung may panghahawakan pa ba ako sa tayo.
Di na ito maningning gaya ng binubuo pa natin ang tayo.
Ang saya ng bawat sandali na iyon.

Pero, mahal anong nangyari sa tayo?
Tila napabayaan na ito.

Wala na ang kislap di na ito maningning.
Ang saya ay napalitan na ng lungkot.
Tila ba nanawa na ang ikaw at ako, nais ng mapag-isa.
Anumang pilit unawain ang sitwasyon.
Tadhana na ang nag-aadya na di na tayo para sa isa’t isa.

Wala na. . . !

Di na masaya ang tayo!
Di ko alam kung bakit?
Mahal sana sabihin mo sa akin.
Anong nangyari sa tayo?
Handa akong bumitaw sa tayo.
Kung saan ka liligaya.

Gustuhin ko mang panghawakan pa ang mga pangako ko sayo na hindi ako bibitaw.
Ngunit, paano?
Nakakapagod.
Kahit di mo man sabihin sa akin.
Sapat na ang bawat kilos na pinadarama mo.
Di ka na masaya!

Patawad kung ako ay bibitaw na!
Patawad kung
di ko mapanghahawakan pa ang tayo.
Di man tayo ang tinadhana para sa isa’t isa.
Di ko naman pinagsisihan na nakilala at minsang nabuo ang tayo.
Di ko pinagsisihan ang araw na bumukas ang bintana at sumilay ka kasabay ng iyong ngiti.

Masaya ang sandaling iyon.
Sa iyong pagdating walang sinuman ang makakatumbas sayo.
Nag-iisa ka yata sa mundong ito!

Lahat ng ito ay aking aalahanin na lamang na minsan sa buhay ko naranasan ko ang lumigaya sa piling mo mahal.
Batid ko namang ayaw mo na.
Salamat sa bawat sandali na pinangiti mo ako.

Malaya ka na mahal.
Makakaasa kang di na kita gagambalain pa.
Mahal ipangako mo sa akin.
Na saan ka man magawi,
alagaan mo sana ang iyong sarili.


Huwag ka ng bumalik pa at lumingon pa.
Paalam!!!

Bibitaw na Ako

Ayoko sanang bumitaw,
Gusto ko sanang tuparin mga pangako ko sayo.
Batid ko rin na ayaw mo nang maghintay.
Alam ko mga pagkukulang sayo,

Ngunit wala akong magawa,
Kundi iadya ang lahat ng ito sa Maylikha.
Alam ko na sa bawat pananatili mo.
Umaasa ka na masilayan ako.

Ngunit mailap ang tadhana sa atin.
Pilit tayong pinaglalayo.
Laging humahadlang ang bawat sandali,
Na nais nating magkapiling.

Natakot ako na baka mapagod ka.
Natakot ako na bumitaw ka.
Natakot ako na di na kita masilayan pa.
Pero mas natatakot akong
di kita makasama habambuhay.

Natakot akong di matupad ang mga pangako ko sayo.
Pero mas takot akong masumpungan mo ang tunay na ligaya sa kanya.
Natatakot akong kapag handa na ako.
Masaya na ikaw sa piling niya.

Kaya ngayon palang bibitaw na ako.
Bibitaw na ako sa mga pangako nating dalawa.
Pangako nating dalawa na ikaw at ako.
Tayo hanggang sa huli.

Wala na ang salitang tayo.
Wala ng ang ikaw at ako.
Maaaring sa kanya ka lumigaya.
Sa kanya masusumpungan mo ang tunay na ligaya.

Ligayang ninanais mo noon pa man.
Kaya malaya ka na,
hanapin mo na ang iyong ligaya.

#Bibitaw
#HahayaanNaKita
#BrokenHearted
#Pag-ibig
#IkawAtAko
#WalangTayo
#MalayaKaNa

-WordSnow Heart