Pagpupugay sa mga FRONTLINERS!!!

Copyright @ Salamat Po Nationwide Letter Writing Advocacy Program

Sa digmaang kinakaharap natin ngayon
Ako, tayo, ikaw ay may obligasyon
Para masugpo ang kalabang ating di nakikita
Ngunit paano tayo makikipaglaban

Kung armas natin ay kulang o wala
Kung tayo ay mas magaling pa sa gobyerno
Kung tayo ay puro ngawa at satsat
Kung tayo ay pasaway at walang pakialam

Paano tayo makikipaglaban?

Marami na ang nagtangkang labanan ang virus
Ngunit sa huli mag-isa kang lalaban
Kapag nagpatalo ka , talo ka!
Ngunit kapag lumaban ka, matatag ka!

Sa digmaang hindi mahalaga
Kung ano ang katayuan mo sa buhay
Mahirap o mayaman lahat tayo napinsala
Walang pinili, walang malaya!

Lahat tayo nakakulong
Sa piitang walang rehas
Lahat tayo nakikidigma
Sa kalabang ating di nakikita

Kaya bigyang pugay natin
Ang ating mga FRONTLINERS
Sila ang ating sundalo sa digmaang ito
Sila ang tunay na nakikipaglaban

Handa silang lumaban para sa bayan
Kahit na alam nilang mga paa nila ay sa hukay
Handa silang itaya ang kanilang mga buhay
Tunay na nakikibaka at naglilingkod sa bayan

Kaya Ikaw! Manatili ka sa bahay
Tanging ambag mo sa digmaan.
Manalangin para sa kagalingan ng mundo
Huwag ng maging bahagi ng problema.

Makiisa ka at maging solusyon sa digmaang kinakaharap natin ngayon.

Copyright @ WILBROS